NG'ATUKENI KWENYE MAMLAKA

Advertisement

Kiongozi wa walio wengi katika Seneti Kipchumba Murkomen na mwenzake wa Bunge la Kitaifa Aden Duale wanakabiliwa na hatari ya kupoteza viti vyao kwa kupinga serikali. Kulingana na mbunge wa Nyeri Mjini, Ngunjiri Wanbugu, wawili hao kwa kuendelea kusalia kwenye ofisi hizo huku kwa upande mwingine wakipinga ajenda za serikali wanaendelea kumfeli Uhuru katika nia yake ya kuleta maendeleo nchini. Ngunjiri aliwataka Duale na Murkomen kung'atuka kwa kumpinga Uhuru 
Mnamo siku ya Jumapili, Juni 24, Murkomen ambaye pia ni seneta wa Elgeyo Marakwet na mwandani wa Ruto alipuuzilia mbali agizo la Uhuru kwamba kila afisa wa serikali afanyiwe ukaguzi wa kimaisha. Akiongea na Citizen TV, Murkomen alisema kuwa agizo la rais halina msukumo wa kisheria na hivyo litafeli huku akidokeza kuwa linawalenga watu binafsi hasa William Ruto na wandani wake.
Duale kwa upande mwingine aliikosoa serikali kwa kuendeleza vita dhidi ya sukari bandia na ya magendo kwa madai kuwa inalenga jamii fulani nchini. Kulingana na Ngunjiri, Duale na Murkomen wamekosa kuipa serikali nguvu kupitia nyadhifa zao serikalini na badala yake kuisaliti. 
"Katika nafasi zao kama viongozi wa walio wengi katika mabunge ya kitaifa na seneti, Murkomen na Duale wanatarajiwa kuunga mkono sera na agenda za serikali katika seneti na bunge la kitaifa. Ni wazi kuwa hawawezi. Inawapasa basi kujiuzulu," Alisema Ngunjiri.

Alisema kuwa atamsihi rais kuandaa mkutano wa bunge ili kujadiliana kuhusu kuondolewa kwa wawili hao. "Wasipojiuzulu, nitamuomba kiongozi wa chama kuita mkutano wa wabunge tutakapojadiliana kuhusu nyendo zao kwa nia ya kuwafurusha ofisini," Alisema. 

Share This